«Աշ-Շիֆա» հիվանդանոցի շրջանում ոչնչացվել է առնվազն 200 ահաբեկիչ

Իսրայելցի զինվորականները Գազայի հատվածի «Աշ-Շիֆա» հիվանդանոցի տարածքում շարունակվող «կետային օպերատիվ գործողության» ընթացքում ոչնչացրել են շուրջ 200 զինյալի, հայտնել է Իսրայելի բանակի մամուլի ծառայությունը։

«Բանակն ու ընդհանուր անվտանգության ծառայությունը շարունակում են կետային օպերատիվ գործողությունը «Աշ-Շիֆա» հիվանդանոցի տարածքում՝ կանխելով քաղաքացիական անձանց, հիվանդներին, բժշկական թիմերին և բժշկական սարքավորումներին վնաս պատճառելը: Գործողության մեկնարկից ի վեր հիվանդանոցի շրջանում ոչնչացվել է մոտ 200 ահաբեկիչ», – ասվում է հաղորդագրության մեջ։