Ցանկացած կամայական ՀԿ կարող է հավատարմագրվել ֆինանսների նախարարությունում և դրա հիման վրա գնալ և վերահսկել ճանապարհների, մանկապարտեզների, դպրոցների, բժշկական կենտրոնների շինարարությունների և գնումների հետ կապված ցանկացած ընթացակարգ:
Այս մասին այսօր կառավարության նիստի ժամանակ ասաց ՀՀ վարչապետ Նիկոլ Փաշինյանը:
Քաղաքաշինության կոմիտեի ղեկավար Եղիազար Վարդանյանն էլ նշեց, որ քաղաքաշինության կոմիտեն պատրաստ է իրականացնել վերապատրաստման դասընթացները և օգնել հասկանալ, թե այցելելիս ինչի վրա կարող են ուշադրություն դարձնել և իմանալ ու պահպանել շինարարական անվտանգության կանոնները:
