Այսօր Բագրատ Սրբազանը հանդիպել է հայրենադարձների հետ։ Հանդիպման ժամանակ Սրբազանը նշեց, որ սփյուռքի բոլոր համայնքներում Շարժման նկատմամբ մեծ արձագանք կա։
«Սա ինչ-որ խմբի շարժում չէ։ Սա մեր անգույն՝ բոլոր գույներով շարժումն է։ Սա տարիներով ծրագրված շարժում չէ, այլ ծնվել է պահի անհրաժեշտությամբ։ Այդ պահը Արցախի հանձնումից հետո եկել, պատել է ՀՀ-ին՝ կտոր-կտոր մեր հայրենիքի անվտանգությունը փշրելով։ Մենք ասել ենք՝ խնդիրը սահմանափակ իմաստով Տավուշի մեջ է, բայց լուծումը հայության ձեռքերում է։
Մենք չենք ասում սահմանազատում չլինի։ Թող օրենքով ու կարգով լինի։ Ինչո՞ւ երկու տարի առաջ թշնամու գրաված հողերի մասին չեք խոսում, հանկարծ 90-ականների հողերի մասին եք խոսում»,-ասաց նա՝ շնորհակալություն հայտնելով բոլոր հայրենադարձներին, ովքեր փորձում են իրենց ներգրավվածությունն ունենալ ՀՀ-ի կյանքում։
