ՀՀ-ն կմիանա ֆինանսական հաշիվների վերաբերյալ ավտոմատ փոխանակման համակարգին
Ազգային ժողովը երկրորդ ընթերցմամբ և ամբողջությամբ ընդունել է «ՀՀ հարկային օրենսգրքում փոփոխություն և լրացումներ կատարելու մասին» օրենքի նախագիծը:
Օրենսդրական փոփոխությունը պատգամավորների քննարկմանն է ներկայացրել Պետական եկամուտների կոմիտեի նախագահ Ռուստամ Բադասյանը:
Նախագծի ընդունմամբ՝ ՀՀ-ում հաշվառված ռեզիդենտ և ոչ ռեզիդենտ համարվող ֆինանսական հաստատությունները, մինչև յուրաքանչյուր հարկային տարվան հաջորդող հարկային տարվա մայիսի 10-ը ներառյալ, սահմանված կարգով հարկային մարմին պետք է ներկայացնեն ֆինանսական հաշիվների մասին տեղեկություններ:
ՊԵԿ նախագահը նշել է, որ այս նախագծով վարչարարության ևս մեկ գործիքակազմ է ավելանում Հարկային օրենսգրքում, որը միաժամանակ բխում է Հայաստանի Հանրապետության ստանձնած միջազգային իրավական պարտավորություններից:
Այս օրենդրական փոփոխության արդյունքում Հայաստանը կմիանա ֆինանսական հաշիվների վերաբերյալ տեղեկությունների ավտոմատ փոխանակման համակարգին:
Պայմանավորվող կողմերի բոլոր ռեզիդենտ ֆինանսական հաստատությունները պարտավոր են նույնականացնել նույն պայմանագրի մաս կազմող այլ երկրի ռեզիդենտներին և իրենց ֆինանսական հաշիվների վերաբերյալ ամփոփ տեղեկություններ փոխանակել հարկային մարմինների միջոցով:
Փոխանակումը տեղի է ունենալու ոչ թե հարցման հիման վրա, այլ՝ ավտոմատ:Նշված տեղեկությունները ֆինանսական հաստատություններն առաջին անգամ ներկայացնելու են 2024 թվականի հաշվետու ժամանակաշրջանի համար. առաջին փոխանակումը նախատեսվում է 2025 թվականի հունվարի 1-ից:
Recent Posts
Ընդդիմությունը մի գործ ունի անելու՝ իրար ոտքի տակ չքանդել․ Սերժ Սարգսյանը՝ նախընտրական շրջանի մասին
Ես չգիտեմ մնացածներն ինչով են զբաղված, բայց ընդդիմությունը մի գործ ունի անելու՝ իրար ոտքի տակ…
Հատուկ շնորհակալություն եմ հայտնում Բակո Սահակյանի որդուն՝ Տիգրանին. Բագրատ Սրբազան
«Ինձ ոչ մեկ ազատությունից ոչ զրկել է, ոչ էլ կարող է զրկել, քանի որ ոչ…
Օրը ցերեկով մարտաֆիլմ հիշեցնող տեսարաններ են, սա՞ է «բարեփոխումների» ենթարկված իրավապահ համակարգը
ԱԺ «Հայաստան» խմբակցության պատգամավոր Գառնիկ Դանիելյանը գրել է. «Երեկ Երևանի Աջափնյակ վարչական շրջանում տեղի ունեցած…
Եվրոպոլում Հայաստանի կողմից կապի սպա կնշանակվի
ՆԳ նախարար Արփինե Սարգսյանը փետրվարի 18-ին ընդունել է Հայաստանում ԵՄ պատվիրակության ղեկավար, դեսպան Վասիլիս Մարագոսի…
ԵՄ հանձնակատար Մարթա Կոսը կայցելի Հայաստան
Եվրոպական միության և Հայաստանի Հանրապետության միջև հարաբերությունները շարունակում են խորանալ՝ թևակոխելով գործընկերության վճռորոշ փուլ և…
Սահմանամերձ համայնքների բնակիչներին աջակցության տրամադրումը կշարունակվի
ՀՀ սահմանամերձ համայնքների բնակիչների կենսապայմանների բարելավման՝ 82 բնակավայրերի աջակցություն տրամադրելու նպատակով Կառավարությունն ընդունել է որոշում:…