Միլիարդատեր Ջարեդ Այզեկմանը դուրս է եկել բաց տիեզերք

Միլիարդատեր Ջարեդ Այզեկմանն իր կողմից ֆինանսավորվող Polaris Dawn հետազոտական առաքելության շրջանակներում հաջողությամբ ուղեծիր է դուրս բերել SpaceX-ի Crew Dragon-ը:

Սա պատմության մեջ առաջին դեպքն է, երբ տիեզերք դուրս կգան ոչ պրոֆեսիոնալ տիեզերագնացները:

Տիեզերանավի արձակումը տեղի է ունեցել երեքշաբթի՝ Ֆլորիդա նահանգի Կանավերալ հրվանդանից։

Բացի Այզեկմանից, անձնակազմում ընդգրկվել են ԱՄՆ ռազմաօդային ուժերի նախկին օդաչու Սքոթ Փոթիթը, SpaceX-ի ինժեներներ Սառա Գիլիսը և Աննա Մանոնը:

Առաքելության նպատակներից մեկն է մերձերկրյա ուղեծրի համար ռեկորդային բարձրության հասնելը, մի քանի տասնյակ բժշկական փորձեր և Starlink լազերային կապի նոր տերմինալի փորձարկումն անելը:

Տիեզերագնացների վերադարձի ստույգ ամսաթիվը հայտնի չէ։41-ամյա Այզեկմանն արդեն եղել է տիեզերքում։

2021թ. սեպտեմբերին նա երեք տիեզերական զբոսաշրջիկների հետ SpaceX տիեզերանավով ուղեծիր էր դուրս եկել։