Ռուսաստանի փոխվարչապետ Ալեքսեյ Օվերչուկը երկօրյա բանակցություններից հետո Երեւանում հայտարարել է, որ Հայաստանի եւ Ադրբեջանի միջեւ հաղորդակցության բացումը հնարավոր է 2020թ. նոյեմբերին ձեռք բերված համաձայնությունների հիման վրա:

Նրա խոսքերով՝ Ռուսաստանը պատրաստ է ներգրավվել գործընթացին՝ ինքնիշխանության եւ տարածքային ամբողջականության եւ Հայաստանի իրավազորության հարգման սկզբունքներով:

Վերջին՝ Հայաստանի իրավազորության հարգման, սկզբունքի մասին Ռուսաստանը նման մակարդակով հավաստիացում առաջին անգամ է անում: Ըստ երեւույթին, փոխվարչապետ Օվերչուկին Երեւան գործուղելուց առաջ նա Կրեմլում լուրջ խորհրդատվություններ է ստացել: Բանն այն է, որ 2020թ. նոյեմբերի լույս 10-ի գիշերը ՌԴ նախագահ Վլադիմիր Պուտինը Կրեմլի աշխատասենյակից տեսաուղերձ է հղել, որտեղ անդրադարձել է նույն օրը հրապարակված եռակողմ Հայտարարության բոլոր կետերին:

Հայաստանի եւ Ռուսաստանի միջեւ արդեն երկու տարուց ավելի տեւող բանավեճի առարկա փաստաղթի 9-րդ կետը Վլադիմիր Պուտինը մեկնաբանել է այսպես. «Պետք է վարականգնվեն տարածաշրջանի տնտեսական եւ տրանսպորտային բոլոր կապերը, իսկ տրանսպորտային հաղորդակցությունն իրականացվի այդ թվում նաեւ Ռուսաստանի Սահմանապահ ծառայության աջակցությամբ»: Այս ուղերձի տեսագրությունը եւ տեքստային տարբերակն առայօր կան, Կրեմլի պաշտոնական կայքում պահպանվում են, իսկ Վլադիմիր Պուտինը երբեք հրապարակային չի խոսել այն մասին, որ Հայաստանի տարածքում Ադրբեջան-Նախիջեւան հաղորդակցությունը «պետք է հսկեն ՌԴ ԱԴԾ սահմանապահ ուժերը»: Ռուսասռանի փոխվարչապետի հավաստիացմումն, ինչ խոսք, գովելի է: Պարոն Օվերչուկը վերջերս գտնվել է Բաքվում, նա Ռուսաստան-Ադրբեջան համագործակցության միջկառավարական հանձնաձողովի ռուսաստանյան կողմից համանախագահն է : Եւ հետաքրքիր է՝ Բաքվի գործընկերների հետ քննարկումներում Հայաստան-Ադրբեջան հաղորդակցության բացման նույն սկզբունքնե՞րն է հարցի կարգավորման հիմք ներկայացնում: