Վաշինգտոնում «Թուրան» գործակալության թղթակիցը Միացյալ Նահանգների պետդեպարտամենտի խոսնակ Մեթյու Միլերին հարց է ուղղել՝ ԱՄՆ-ը մտադի՞ր է Նյու-Յորքում, որտեղ եկող շաբաթ բացվում է ՄԱԿ-ի Գլխավոր ասամբլեայի նստաշրջանը, Հայաստան-Ադրբեջան եւս մեկ հանդիպում կազմակերպել, ինչին ամերիկացի դիվանագետը պատասխանել է. «Ես ոչ մի տվյալ չունեմ: Բնականաբար, մենք միշտ հնարավորություն ենք փնտրում, որպեսզի Հայաստանի եւ Ադրբեջանի արտաքին գործերի նախարարները հանդիպեն»:
Ասվածից կարելի է զգուշորեն եզրակացնել, որ Հայաստանի վարչապետի եւ Ադրբեջանի նախագահի հետ հեռախոսազրույցների արդյունքում ԱՄՆ պետքարտուղարի չի հաջողվել հասնել Փաշինյան-Ալիեւ գագաթաժողովի համաձայնության, բայց ՄԱԿ-ի Գլխավոր ասամբլեայի նստաշրջանի «ցուցասրահներում» Միրզոյա-Բայրամով բանակցությունների կազմակերպման «հնարավորություն դեռեւս կա»:
Ավելի վաղ փորձագիտական տեսակետ է հնչել, որ Վաշինգտոնը «փորձում է Փաշինյան-Ալիեւ հանդիպում կազմակերպել՝ օգտագործելով ՄԱԿ-ի Գլխավոր ասամբլեայի նստաշրջանի ընձեռած հնարավորությունը»: Մենք պատրաստ ենք հնարավոր բոլոր միջոցներով աջակցել Հայաստանի եւ Ադրբեջանի միջեւ խաղաղության համաձայնագրին,- ասել է պետքարտուղարության խոսնակը:
Խոսքն, իհարկե, առաջին հերթին դիվանագիտական գործիքակազմի մասին է, բայց ուշադրություն է գրավում Ադրբեջանի նախագահի հետ հեռախոսազրույցի ընթացքում Բլինքենի հավաստիացումը, որ ԱՄՆ-ը կշարունակի աջակցել Կլիմայի հարցերով Բաքվում անցկացվելիք խորհրդաժոողի հաջողությանը:
COP29-ի կազմակերպման հարցում Բաքուն մի շարք բարդությունների է բախվել: Ալիեւն իր հերթին հույս է հայտնել, որ կհաջողվի հասնել կոնսեսուսի: Կարելի է տարբեր մեկնաբանություններ անել, բայց զուտ քաղաքական առումով Բաքվի խորհրդաժողովի մեծ հաջողություն կլիներ Հայաստանի մասնակցությունը: Ալիեւն այդ հարցում կոնսենսուսը նկատի ունի:
ԱՄՆ փոխպետքարտուղար Օ՛Բրայանի Բաքու այցից հետո ադրբեջանցի որոշ փորձագետներ կարծիք են հայտնել, որ նա Ալիեւին առաջարկել է COP29-ին ընդառաջ Հայաստանի հետ «խաղաղության պայմանագիր ստորագրել, բայց մերժում է ստացել»:
Պետքարտուղարության խոսնակի ասածից ենթադրվում է, որ Վաշինգտոնը փորձում է Նյու-Յորքում Միրզոյան-Բայրամով «հանդիպում կազմակերպել»: COP29-ին Հայաստանը մասնակցության հրավեր, ըստ ադրբեջանական կողմի, ստացել է արտաքին գործերի նախարարի անունով:
Միլլի մեջլիսի վերընտրված պատգամավոր Մուսբեկովն օրերս «Ազատություն» ռադիոկայանին ասել է, որ հայ-ադրբեջանական «համաձայնագիր նախաստորագրելու մասին Ադրբեջանի նախագահի առաջարկությունը մնում է բանակցությունների սեղանին»:
Երեւանը Բաքվին առաջարկել է պայմանագրի համաձայնեցված նախաբանը եւ հոդվածներն ամփոփել եւ այդ հիմքով փաստաթուղթ ստորագրել: ԱՄՆ-ը փորձում է երկու առաջարկություններից «միջակայքային առաջընթա՞ց ապահովել»: Հայաստանը կհամաձանի՞ մասնակցել COP29-ին, եթե իր եւ Բաքվի առաջարկությունների համադրմամբ որեւէ փաստաթուղթ նախաստորագրելու «պատուհան բացվի»:
Իսկ եթե չմասնակցի, Ադրբեջանը կկորցնի՞, թե՞ «ինչ-որ բան» կշահի:
Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հնարավոր հանդիպման հարցը Ռուսաստանում ԲՐԻԿՍ-ի կամ…
Առողջապահության նախարարությունից հայտնում են․ «25-30 տոկոս դեպքերում ուղեղի կաթվածը (ինսուլտը) զարգանում է շողացող առիթմիայի հետևանքով:…
Համայնքային տնտեսական և սոցիալական ենթակառուցվածքների զարգացմանն ուղղված Կառավարության համաֆինանսավորմամբ սուբվենցիոն ծրագրերով Խոյ համայնքում իրականացվել և…
ԵՊԲՀ ռեկտոր Արմեն Մուրադյանը ֆեյսբուքյան իր էջում գրում է․ «Հայաստանում 2023թ. առաջին կիսամյակում արյան շրջանառության համակարգի…
ՀՀ ՏԿԵ նախարար Գնել Սանոսյանի ուշադրության կենտրոնում է նաև հանքարդյունաբերության ոլորտը: Այդ մասին հայտնում են…
Իսրայելի պաշտպանության բանակը հայտարարել է, որ «Հեզբոլլահի» բարձրաստիճան պաշտոնյա Նաբիլ Քաուկը սպանվել է անցած գիշեր…