2024 թվականի սեպտեմբերի 13-ին դեսպան Լիլիթ Մակունցը հյուրընկալվել էր Մերձավոր Արևելքի ինստիտուտում (ՄԱԻ)՝ որտեղ մասնակցել է ՄԱԻ Սևծովյան ծրագրի հետազոտողների հետ քննարկմանը:
Չորս հետազոտողներից երեքը ներկայացրեցին Հայաստանի և Ադրբեջանի միջև հարաբերությունների կարգավորման, իսկ մեկը՝ Ռումինիայի պաշտպանական և ռազմական արդյունաբերության, ինչպես նաև ՀՀ և Ռումինիայի միջև այդ ոլորտում հնարավոր համագործակցության վերաբերյալ իրենց հետազոտությունների արդյունքները:
Դեսպանի և հետազոտողների միջև քննարկումը և հարցուպատասխանի հատվածը վարեց Սևծովյան ծրագրի ղեկավար դոկտոր Յուլիա-Սաբինա Ժոժան:
Դեսպան Մակունցը երախտագիտություն հայտնեց հետազոտությունների արդյունքները ներկայացնելու համար:
Ընդգծելով Հայաստանի կառավարության հանձնառությունը տարածաշրջանում երկարատև խաղաղության և կայունության հաստատման գործում, ողջունեց վերջիններիս ներդրումն ուղղված տարածաշրջանային զարգացումների վերաբերյալ ընկալման խորացմանը, հատկապես՝ Հարավային Կովկասի և Սևծովյան տարածաշրջաններում առկա մարտահրավերների համատեքստում։
ԱՄՆ պետքարտուղարության կողմից ֆինանսավորվող Սևծովյան ծրագիրն աջակցում է ամերիկյան հետազոտողներին, ովքեր հետազոտություններ են իրականացում Սևծովյան տարածաշրջանի վերաբերյալ:
Տարածաշրջանի երկրներ այցերով, ինչպես նաև ԱՄՆ-ում գործող, տարածաշրջանային փորձագետների հետ համագործակցության միջոցով Ծրագիրը նպատակ ունի խորացնել տարածաշրջանի ռազմավարական կարևորության ընկալումը և նպաստել տարածաշրջանի նկատմամբ ԱՄՆ քաղաքականությանը:
Ծրագիրը նաև հնարավորություն է տալիս հետազոտողներին այցելել տարածաշրջանի երկրներ՝ ելնելով իրենց հետազոտության թեմաներից:
1946 թվականին հիմնադրված Մերձավոր Արևելքի ինստիտուտը Վաշինգտոնում գործող և բացառապես Մերձավոր Արևելքի ուսումնասիրությամբ զբաղվող ամենահին վերլուծական կենտրոնն է, որն առաջարկում է քաղաքականության փորձագիտական վերլուծություն, կրթական նախաձեռնություններ, մասնագիտական զարգացման ծրագրեր և ծառայում է որպես տարածաշրջանի արվեստի և մշակույթի կենտրոն։
Մրցակցության պաշտպանության հանձնաժողովի նախագահ Գեղամ Գևորգյանը Վաշինգտոնում ընթացող Սպառողների պաշտպանության և օրենսդրության կիրարկման միջազգային ցանցի…
Բռնցքամարտի Հայաստանի ֆեդերացիայի նախագահ Հովհաննես Հովսեփյանի աջակցությամբ Գյումրու օլիմպիական հերթափոխի քոլեջի բռնցքամարտի մարզադահլիճն այսուհետև ունի…
ՀՀ ԱԺ պատվիրակությունը մասնակցում է Դուբլինում ընթացող Եվրոպայի անվտանգության եւ համագործակցության կազմակերպության խորհրդարանական վեհաժողովի (ԵԱՀԿ…
Հոկտեմբերի 3-ին Փարիզում՝ Ֆրանկոֆոնիայի նախարարական համաժողովի շրջանակներում, ՀՀ արտաքին գործերի նախարար Արարատ Միրզոյանը հանդիպում է…
Հոկտեմբերի 3-ին, ժամը 12:15-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ…
Ելիսեյան պալատում տեղի է ունեցել վարչապետ Նիկոլ Փաշինյանի հանդիպումը Ֆրանսիայի նախագահ Էմանուել Մակրոնի հետ: Զրուցակիցները…