Լոռու մարզի Օձուն-Հագվի ավտոճանապարհին երեկ կեսգիշերին տեղի ունեցած ավտովթարի դեպքի առթիվ հարուցվել է քրեական գործ ՀՀ քրեական օրենսգրքի 242 հոդվածի 3-րդ մասի հատկանիշներով (ճանապարհատրանսպորտային պատահար, որն անզգուշությամբ առաջացրել է 2 եւ ավել մարդու մահ):
Այս մասին ՀԺ-ի հետ զրույցում հայտնեց ՀՀ քննչական կոմիտեի տեղեկատվության եւ հասարակայնության հետ կապերի բաժնի պետ Նաիրա Հարությունյանը, նշելով, որ մեկ հոգի տեղափոխվել է Ալավերդու բժշկական կենտրոն, 3 հոգի տեղում մահացել են:
Հիշեցնենք, որ ժամը 23:55-ի սահմաններում Mersedes ML մակնիշի ավտոմեքենայի վարորդը, դեռեւս անհայտ պայմաններում, դուրս էր եկել ճանապարհի երթեւեկելի հատվածից եւ մոտ 150 մետր գլորվել անդունդը: Դեպքի վայր ժամանած փրկարարներն ու իրավապահները ավտոմեքենայից դուրս, տարբեր հեռավորությունների վրա հայտնաբերել էին 3 մահացածների դիերը:
Շարունակությունը՝ armtimes.com