Երևանը տոնում է մաեստրո Լևոն Մալխասյանի 80-ամյա հոբելյանը

Երևանի քաղաքապետարանը և «Նյու Ջեներեյշն Փրոջեքթը» ներկայացնում են հոբելյանական բացառիկ համերգ՝ ի պատիվ հայկական ջազի կենդանի լեգենդ Լևոն Մալխասյանի 80-ամյա հոբելյանի։

Երևանի պատվավոր քաղաքացի ԼԵՎՈՆ ՄԱԼԽԱՍՅԱՆ՝ մարդ, ով 15 տարեկանում ռադիոընդունիչով լսելով 20-րդ դարի կանադացի վիրտուոզ դաշնակահար-ջազմենհետագայում իր միակ ուսուցիչ Օսկար Պիտերսոնի երաժշտությունը հավերժ կապեց իր կյանքը ջազի հետ:

Եվ ինչպես ինքն է ասում՝ ապրում եմ, որ ջազ նվագեմ։ Հոբելյանական համերգի շրջանակներում արտերկրից Հայաստան են հրավիրվել՝

ՌԴ ժողովրդական արտիստ, ջազ երաժիշտ, սաքսոֆոնահար Իգոր Բուտմանը /ՌԴ

Ջազ երաժիշտ, կոմպոզիտոր Արթուր Սաթյանը /Լիբանան

Ջազ երաժիշտ Ադամ Տերացույանը /ՌԴ

Երգչուհի, կոմպոզիտոր և ջազ երաժիշտ Նինո Կատամաձեն /Վրաստան

Համերգին նաև իրենց կատարումներով հանդես կգան հայազգի արտիստներ, երաժիշտներ՝ Լևոն Մալխասյան տրիոն, Գարիկ Սարիբեկյան տրիոն, Արեգ Առուստամյան տրիոն, Մարտին Վարդազարյանը, Վահագն Հայրապետյանը։

Համերգային երեկոն տեղի կունենա Հայաստանի պետական ջազ նվագախմբի / գեղարվեստական ղեկավար՝ Դավիթ Մելքոնյան/ և Հայաստանի հանրային ռադիոյի էստրադային սիմֆոնիկ նվագախմբի /գեղարվեստական ղեկավար, ՀՀ ժողովրդական արտիստ Երվանդ Երզնկյան/ մասնակցությամբ դեկտեմբերի 24- ին ժամը 19:00-ին Արամ Խաչատրյանի անվան համերգասրահում՝ հենց մաեստրոյի ծննդյան օրը։

Սպասվում է անմոռանալի երեկո ջազի վարպետների մասնակցությամբ: