Սիրիան չպետք է դառնա ահաբեկիչների բազա․ Բլինքեն

ԱՄՆ պետքարտուղար Անտոնի Բլինքենը անհրաժեշտ է համարում դյուրացնել Սիրիա մարդասիրական օգնության մատակարարումը, ինչպես նաև թույլ չտալ, որ երկիրը դառնա ցատկահարթակ ահաբեկիչների համար։ Այս դիրքորոշումը նա ուրվագծել է Հորդանանի, Կատարի և ԱՄԷ-ի դիվանագիտական ​​գերատեսչությունների ղեկավարների հետ հեռախոսազրույցներում, գրում է ՏԱՍՍ-ը։

Միլլերի խոսքով՝ Բլինքենը նույն դիրքորոշումն է հայտնել Կատարի վարչապետ և արտաքին գործերի նախարար Մուհամեդ բեն Աբդել Ռահման Ալ Թանիի և Հորդանանի արտգործնախարար Այման Հուսեյն Աբդուլլահ աս-Սաֆադիի հետ հեռախոսազրույցներում։ Պետքարտուղարը նաեւ նշել է, որ Սիրիայի բոլոր զինված ընդդիմադիր խմբավորումները «պետք է կարողանան մասնակցել քաղաքական գործընթացին»։

Բլինքենը հեռախոսազրույց է ունեցել նաև Եգիպտոսի արտգործնախարար Բադր Աբդել Աթիի հետ։ Դրանում, ըստ Միլերի, ԱՄՆ պետքարտուղարը նշել է, որ «Սիրիայում առկա բոլոր ուժերը պետք է հարգեն մարդու իրավունքները, ապահովեն կրոնական և էթնիկ փոքրամասնությունների անվտանգությունը և հետևեն միջազգային մարդասիրական չափանիշներին»: