Ներկայացուցիչների պալատը իմփիչմենթի ենթարկեց Դոնալդ Թրամփին

ԱՄՆ-ի Կոնգրեսի ստորին՝ Ներկայացուցիչների պալատում, ավարտվել են նախագահ Դոնալդ Թրամփի իմփիչմենտի քննարկումներն ու քվեարկությունը: Պալատը 230 կողմ եւ 197 դեմ ձայների հարաբերակցությամբ իմփիչմենտի ենթարկեց նախագահին:

Նշենք, որ ավելի վաղ նշված 6 ժամվա փոխարեն քննարկումները տեւել են գրեթե 13 ժամ։

Այսպիսով Էնդրյու Ջոնսոնից եւ Բիլ Քլինթոնից հետո ԱՄՆ-ի պատմության մեջ Թրամփը դարձավ 3-րդ նախագահը, որի վերաբերյալ օրենսդիրը նմանատիպ որոշում է կայացնում։

Պալատում քվեարկել են պաշտոնանկության առաջին հոդվածով,  կողմ է եղել 230 կոնգրեսական, այդ թվում՝ 1 անկախ պատգամավոր, դեմ՝ 197, այդ թվում՝ երկու դեմոկրատ, հանրապետական կոնգրեսականները դեմ են քվեարկել: Մեկ մարդ ձեռնպահ է մնացել:

Իմփիչմենտի հետագա ճակատագիրը որոշվելու է ԱՄՆ-ի կոնգրեսի վերին պալատում՝ Սենատում, որտեղ կա՛մ 50+1 ձայներով կչեղարկվի Ներկայացուցիչների պալատի որոշումը, կա՛մ էլ Սենատի անդամների 2/3-ի ձայներով Թրամփը կհեռացվի Սպիտակ տնից: Ենթադրվում է, որ Սենատը կարող է կիրառել առաջին տարբերակը, որովհետեւ այնտեղ գերիշխում են հանրապետական սենատորները:

Նյութի աղբյուր՝ armtimes.com