Գերմանիայի կանցլերը կոչ է արել սիրիացի փախստականներին վերադառնալ

Գերմանիայի կանցլեր Ֆրիդրիխ Մերցը հայտարարել է, որ Գերմանիայում բնակվող սիրիացի փախստականները պետք է վերադառնան իրենց հայրենիք։

«Սիրիայում քաղաքացիական պատերազմն ավարտվել է։ Այժմ Գերմանիայում ապաստան տրամադրելու համար բացարձակապես ոչ մի հիմք չկա, ուստի մենք կարող ենք սկսել արտաքսումները»,- ասել է Մերցը։

Նրա խոսքով՝ փախստականների զգալի մասը, ըստ ակնկալիքների, կամավոր կվերադառնա Սիրիա և կմասնակցի երկրի վերակառուցման գործընթացին։

«Նրանք, ովքեր հրաժարվեն Գերմանիայից վերադառնալ, ապագայում կարող են արտաքսվել»,- հավելել է կանցլերը։