Բեմում մենք լսում ենք մի բան, կուլիսներում՝ մեկ այլ բան․ Իրանի ԱԳՆ»

Իրանը շարունակում է ձգտել միջուկային ծրագրի շուրջ տարաձայնությունների հաղթահարմանը և խաղաղ համաձայնության ձեռքբերմանը։ Ինչպես հաղորդում է «ՏԱՍՍ»-ը, այս մասին Աբու Դաբիում կայացած Abu Dhabi Strategic Debate քաղաքական խորհրդաժողովում հայտարարել է Իրանի արտաքին գործերի փոխնախարար Սայիդ Խաթիբզադեն։

Նրա խոսքով՝ Իրանը չի լքել Միջուկային զենքի չտարածման պայմանագիրը, քանի որ նպատակ ունի հասնել խաղաղ համաձայնության։

«Մենք մտադիր ենք հասնել խաղաղ միջուկային համաձայնության»,– նշել է Խաթիբզադեն՝ անդրադառնալով Իսրայելի ռազմական գործողություններին և ԱՄՆ-ի հարձակումներին Իրանի միջուկային օբյեկտների վրա։

Փոխնախարարն ընդգծել է, որ Իրանը կշարունակի քաղաքացիական միջուկային ծրագրի զարգացումը, ինչը, ըստ նրա, հպարտության հարց է երկրի համար։

Խաթիբզադեն նաև նշել է, որ Թեհրանը Վաշինգտոնից ստանում է հակասական ազդակներ՝ բանակցությունների վերաբերյալ։

«Բեմում մենք լսում ենք մի բան, կուլիսներում՝ մեկ այլ բան»,– ասել է նա։