Խիստ պայմաններ կլինեն. Ավինյանը զգուշացրեց կառուցողապատողներին

Երևանի ավագանու նիստում քաղաքապետ Տիգրան Ավինյանը հայտնել է, որ ընդունված որոշմամբ տարբերակում է դրվում և խստացվում են արտոնությունների տրման չափանիշները այն կառուցապատողների նկատմամբ, որոնք խախտել են ավագանու կողմից հաստատված կահավորման կանոնները, մասնավորապես՝ հատուկ ցանցերի տեղադրման պահանջները։ Միաժամանակ բարելավվում են այն կառուցապատողների պայմանները, որոնք ցանցերն ու կահավորումը իրականացրել են պատշաճ ձևով։

Քաղաքապետի խոսքով՝ այս տարի գրեթե չկան, կամ ընդամենը մեկ-երկու կառուցապատողներ են, որոնք կահավորումն իրականացրել են պահանջներին համապատասխան։ Նրա նշմամբ՝ նրանք կստանան ժամկետի երկարաձգման այլ արտոնություն և ավելի արտոնյալ պայմաններ, իսկ մյուսների նկատմամբ նման մոտեցում չի կիրառվի։

«Հուսով ենք, որ ժամանակի ընթացքում էլ ավելի ու ավելի կխստացվեն պայմանները և այս քայլերը էականորեն կազդեն նաև քաղաքում կահավորման վրա»,– ասել է Տիգրան Ավինյանը։