76.537 քաղաքացի 6.2 մլրդ դրամի սոցիալական կրեդիտ է ստացել

76537 քաղաքացի 2025թ. հայտարարագրման արդյունքում ստացել է 6մլրդ 200 մլն դրամի սոցիալական կրեդիտ. հայտարարել է վարչապետ Նիկոլ Փաշինյանը։ Նրա խոսքով, միջինում մեկ հայարարատուն ստացել է 81 հազար դրամ։

«Ես կարծում եմ, որ սա նաև կարևոր է սոցիալական հասցեական քաղաքականությունները քայլ առ քայլ կարգավորելու և առավել հասցեական լինելու համար»,- նշել է նա։

Վարչապետի խոսքով, հայտարարագրման համակարգը կօգնի սոցիալական քաղաքականությունն ավելի հասցեական դարձնելուն. «Գուցե կլինեն խավեր, շերտեր, որ մեծ եկամուտներ ունեն, և նրանց ասվի՝ տարեկան 100.000 դրամ սոցիալական կրեդիտ ենք ձեզ վերադարձնում, այնքան էլ տրամաբանական չէ։ Այդ խավերի համար նախատեսված սոցիալական կրեդիտները հետագայում կարգավորումներով կվերաուղղենք այն շերտերի ու խավերի ուղղությամբ, որ դրանց կարիքն ավելի շատ ունենք»։