Վահրամ Աթանեսյան. «Մենք ադրբեջանցիների աչքում լինելու ենք անարժանապատիվ խալխ»

Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․

Քանի դեռ Հայաստանում եւ Սփյուռքում կգտնվի, գտնվում է մեկ «նվիրյալ արցախամեռ», որ ԼՂՀ նախագահին անվանում է «Արո» կամ «Բակո», կամ «Արկադի», ադրբեջանական պատանդառության մեջ գտնվողներից մեկին հերոսացնում է, մյուսների մասին զազրելի հրապարակումներ անում, ափսոսում է, որ Սամվել Բաբայանը չի առեւանգվել, գերիներից մեկին տունդարձ է մաղթում, մյուսներին մահ ցանկանում, մենք ադրբեջանցիների աչքում լինելու ենք «անարժանապատիվ խալխ»: Ես չեմ ասում, մեր Մեծը՝ Հրանտ Մաթեւոսյանն է օրինակ բերում. պատերազմում պարտվող երիտթուրքերը, երբ հասկացել են, որ Սալոնիկը պիտի հանձնեն հույներին, իրենց ամենահզոր ռազմանավն ուղարկել են, որպեսզի իրենց կողմից գահընկեց արված Աբդուլ Համիդին հարեմով-ընտանյոք հանդերձ էվակուացնեն: Որպեսզի Օսմանյան նախկին սուլթանը հույների մոտ պատանդ չմնա: Թե բա՝ «ոչխար թուրք»: Ոչխարը քաղաքական «աղի» վրա վազողն է: