Երևան քաղաքի ակնկալվող եկամուտներն առաջին անգամ գերազանցել են 100 միլիարդի սահմանագիծը

Երևան քաղաքի պատմության ընթացքում առաջին անգամ մայրաքաղաքի ակնկալվող եկամուտները գերազանցում են 100 միլիարդի սահմանագիծը՝ կազմելով ավելի քան 107 միլիարդ դրամ:

«Արմենպրես»-ի փոխանցմամբ` այս մասին հունվարի 25-ին Կապանում հրավիրված մամուլի ասուլիսում ասաց ՀՀ վարչապետ Նիկոլ Փաշինյանը` 3-րդ անգամ ներկայացնելով 100 փաստ Նոր Հայաստանի մասին:

«Երևան քաղաքի 2020-ի բյուջեն եկամտային մասով 2017-ի բյուջեի փաստացի ցուցանիշի համեմատ ավելի է լինելու 48 տոկոսով, 2018-ի համեմատ` 56 տոկոսով, իսկ 2019-ի ծրագրայինի համեմատ՝ 30 տոկոսով: Ընդ որում, առաջին անգամ քաղաքի ակնկալվող եկամուտները գերազանցում են 100 միլիարդի սահմանագիծը՝ կազմելով ավելի քան 107 միլիարդ դրամ, իսկ սեփական եկամուտներն ավելանում են 3 միլիարդով»,- ասաց Փաշինյանը: