Քոչարյանի խափանման միջոցի փոփոխության դրական կողմերը

Վերաքննիչ դատարանը բավարարեց Ռոբերտ քոչարյանի փաստաբանների բողոքը` գրավի կիրառելիության մասով ։ ՀՀ պատմության մեջ աննախադեպ` 2մլրդ դրամի դիմաց Ռոբերտ Քոչարյանը կլինի ազատության մեջ։ Որքան էլ այս փաստը վրդովվեցրել է բազմահազար քաղաքացիների, պետք է նշել, որ Քոչարյանի կալանքի տակ գտնվելը, բացի հոգեբանական գործոնից, այլ օգուտ դատական գործին չէր տալիս, և երկու տարի շարունակ մենք ականատես էինք լինում նույն հարցի շուրջ հոգեմաշ մի գործընթացի, որը ստեղծում էր թյուրըմբռնում գործի՝ տեղից չշարժվելու մասին։ Հիմա դատական գործընթացը կվերադառնա բուն դատական գործով անցնող ապացույցների քննության փուլին, ինչից ուղղակի սարսափում են թե՛ Քոչարյանը, թե՛ իր փաստաբանական թիմը։ Սա զուտ «Մարտի 1-ի» գործի մասով։

Մյուս մտավախությունը Ռոբերտ Քոչարյանի կողմից ընդդիմադիր նախկին իշխանական հատվածի կոնսոլիդացիոն դերին է վերաբերում, ինչը նույնպես ոչ միանշանակ է։

Քոչարյանի ընկալումը հանրային տրամադրություններում ծայրահեղ նեգատիվ է, և իր շուրջ համախմբելով մանր-մունր սատելիտներին՝ վերջապես հնարավորություն կընձեռնվի մեկ ուղղությամբ պայքարել ռևանշի ձգտող սև ուժերի դեմ։

Նիկոլ Փաշինյանի համար, որքան էլ ստեղծված իրավիճակը լինի դժվար, ռեսուրսների առումով այն միանշանակ բխում է իշխանության շահերից, քանզի ոչինչ իշխանությունների հեղինակությունն այնքան չի բարձրացնի, որքան նախկինների դեմ գաղափարական պայքարը։

Այնպես որ ամենահետաքրքիրը դեռ արջևում է, խափանման միջոցի փոփոխությունն էլ արդարացման դատավճիռ չէ։

Էդգար Բաբայան