«Վերադառնում եմ աշխատանքի և կյանք». Լևոն Արոնյան

Գրոսմայստեր Լեւոն Արոնյանը երկար դադարից հետո ֆեյսբուքյան գրառում է կատարել եւ կիսվել իր առօրյայից մի քանի լուսանկարով: Հիշեցնենք, որ մարտ ամսին ավտովթարից մահացել էր նրա կինը՝ Արիանա Կաոիլին: Արոնյանը նշել է, որ վերադառնում է աշխատանքի եւ կյանք:

«Ինչպես ձեզնից շատերը, ես էլ արդեն հարմարվել եմ հեռավար աշխատանքին. այն, իհարկե, կատարյալ չէ, բայց կարելի է շատ ժամանակ խնայել: Այլ նորություններից. ես այնքան պատրաստեցի, որ վերջապես սկսել եմ ուտելի կերակուրներ եփել (ժպիտ):

Ինչպես միշտ, լսում էի շատ երաժշտություն եւ բացահայտեցի մի քանի արտիստի: Խորհուրդ եմ տալիս դասական երաժշտությունից լսել Մարիա Գրինբերգին եւ Տատյանա Նիկոլաեւային, վոկալ ջազից՝ Էնդի Բեյին:Հիմնականում օրերս Երեւանում են անցնում. երբեմն ընկերներիս հետ գնում ենք բնության գիրկը:

Կարանտինի պատճառով չեմ կարողանում մարզվել, ինչը մի քիչ նյարդայնացնում է: Դեռ միայն հիմնական մի քանի վարժություն եմ անում տանը՝ Պոնչիկի հետ»,- գրել է Արոնյանը: