Արդեն կծիծաղեք, բայց ՀՊՏՀ ռեկտորի մրցույթը ևս ապօրինի է. Ռուբեն Հայրապետյան

ՀՊՏՀ ռեկտորի նախկին ԺՊ Ռուբեն Հայրապետյանը ֆեյսբուքյան իր էջում գրել է.

Մի բան ասեմ՝ արդեն կծիծաղեք, բայց ՀՊՏՀ ռեկտորի մրցույթը ևս ապօրինի է

Բայց նկարը դրա մասին չէ. մեկ անգամ ասել էի, որ այնքան են կեղծել, որ արդեն մոռացել են, թե երբ ինչ են կեղծել, և սկսել են իրենք իրենց հակասել: Երբ փորձում էին հիմնավորել, թե ինչու օրենքի խախտումով մրցույթ չի հայտարարվում, իսկ պաշտոնակատարը չի փոխվում, անհավատալի կերպով «հորինեցին», թե իբր կառավարության այս որոշումը բուհերի վրա չի տարածվում: Իսկ երբ արդեն ռեկտորի մրցույթ էին հայտարարում, նախարարը իր հրամանում ստիպված «հիմք է ընդունում» կառավարության ՆՈւՅՆ որոշումը (էն, որ չէր տարածվում):
Չէ, չէ, ի՞նչ հանցագործություն, հերթական «անփութությունը» էլի…
Ի՞նչ ասես այս մարդկանց…
Մրցույթի ապօրինի լինելու մնացած բոլոր անհերքելի հիմքերի մասին առանձին կխոսեմ:
#Որոշ_անձանձ_աղմուկ
#Շահարկում
#Անփույթներս