Հուլիսի 9-ին հայտնի ամերիկացի դերասան Թոմ Հենքսի ծննդյան օրն է։ Նա դառնում է 64 տարեկան։ Ձեզ ենք ներկայացնում հետաքրքիր փաստեր սիրված արտիստի մասին․
1.Թոմ Հենքսը ծնվել է 1956 թվականի հուլիսի 9-ին Կալիֆորնիա նահանգի Կոնկորդ քաղաքում։ Նրա հայրը շեֆ-խոհարար էր աշխատում տեղի ռեստորաններից մեկում, մայրը աշխատում էր նույն ռեստորանում որպես մատուցողուհի։
2.Նա տան երրորդ երեխան էր։ Նրա ծնվելուց 5 տարի հետո նրա ծնողները բաժանվեցին, և ինքն ու իր երկու եղբայրները՝ Լարրին ու Սանդրուն սկսեցին բնակվել հոր հետ:
3.Արդեն պատանեկան հասակում Թոմի մոտ նկատվում էր դերասանական տաղանդ։ Կալիֆորնիայի ինստիտուտ ընդունվելուց հետո նա կիսատ թողեց ուսումը և միացավ Կլիվլենդում հանդես եկող դերասանական մի փոքր խմբի։
4.Թոմ Հենքսը ուղղափառ եկեղեցու հետևորդ է։
5.Կինոյում իր առաջին նշանավոր դերը 1998 թվականին նկարահանված «Մեծը» ֆիլմում էր։ Իր արդեն շուրջ 40 տարվա կինոկարիերայի ընթացքում նկարահանվել է ամերիկյան մի շարք մրցանակների արժանացած ֆիլմերում։ Ստացել է 61 տարբեր կինոմրցանակ:
6.2006 թվականի տվյալներով՝ հենց Թոմ Հենքսի մասնակցությամբ ֆիլմերն են եղել ամենաշահութաբեր։ Նրա մասնակցությամբ ֆիլմերի ընդհանուր շահույթը կազմել է մոտավորապես 6 միլիարդ դոլլար, որոնցից ամենաեկամտաբերը «Դա Վինչիի ծածկագիրը» ֆիլմն է։
7.Թոմ Հենքսը նաև կինոյի պատմության ամենամեծ հոնորար ստացած դերասաններից է։ «Հրեշտակներ և հրեշներ» ֆիլմի համար նա ստացել է 51 միլիոն դոլլար, ավելի մեծ հոնորարի է արժանացել միայն Ջոնի Դեփը «Կարիբյան ծովի ծովահենները. տարօրինակ ափերում» ֆիլմի համար: Այս առիթով «Entertainment Weekly» ամսագիրը հայտարարել է, որ Թոմը միակ ժամանակակից դերասանն է, որն, իսկապես, արժանի է իր հոնորարներին:
8. Թոմ Հենքսը ամուսնացած է եղել 2 անգամ՝ 1978 թվականին Սամանտա Լուիսի հետ, ումից բաժանվել է 1987 թվականին։ Այժմ՝ դերասանուհի Ռիտա Ուիլսոնի հետ։ 2011 և 2013 թվականների Թոմը թոռնիկներ ունեցավ:
9. Հենքսը ռեժիսոր Սթենլի Կուբրիկի մեծ երկրպագու է, ամենասիրելի ֆիլմն է «A Space Odyssey» կինոնկարը:
10.Թոմ Հենքսը պատմության մեջ երկրորդ դերասանն է, որը երկու տարի անընդմեջ արժանացել է «Օսկար»-ի՝ «Ֆիլադելֆիա» ու «Հրեշտակներ և հրեշներ» ֆիլմերի համար:
Նյութը՝ Vnews.am:
