Էրոսը լաբրադոր ցեղատեսակի շուն է, ով Կոլումբիայում առաքիչ է աշխատում։ Զամբյուղն ատամներին ութ տարեկան շունը Մեդելին քաղաքում գտնվող մինի մարկետից բանջարեղեն, մրգեր ու այլ մթերքներ է առաքում՝ անցնելով փողոցներ։ Պատվիրատուները նրան շատ են սիրում և Էրոսը երբեք առանց թեյավճարի հետ չի վերադառնում (իհարկե ուտելիքի տեսքով)։

«Մարդկանց դուր է գալիս, երբ իրենց պատվիրած ապրանքներն Էրոսն է հասցնում, նաև այս կերպ պահպանվում է սոցիալական հեռավորությունը» – ասում է լաբրադորի և խանութի տեր Մարիա Բոթերոն։ Վճարումները կատարում են օնլայն։

Երբ չորս տարի առաջ Մարիան ընտանիքի հետ միասին բացել էր մինի խանութ, առաքումների ժամանակ շունը Բոթերոյի և նրա երեխաների հետեևից էր գնում։ Այժմ նա առաքումներն անում է ինքնուրույն, առանց ուղեկցորդի։ Էրոսն իհարկե չի կարող կարդալ հասցեները, բայց նա ունի շատ լավ հոտառական հիշողություն․ ճանաչում է 5-6 մշտական հաճախորդի անուն և ամեն անգամ նրանցից մեկի անունը լսելուն պես մթերքներով լի զամբյուղը ատամներով բռնած գնում է նրա բնակարան։