Ցույցեր, միասեռականների շքերթ ու ռեյվ Թբիլիսիում

Հունիսի 19-ին մեկնարկել է «Թբիլիսի փրայդ» միջոցառումների շարքը, որոնք նվիրված են սեռական և գենդերային փոքրամասնությունների ներկայացուցիչներին և նրանց ծնողներին: Ըստ «Թբիլիսի փրայդի» կազմակերպիչների, վերջին օրերին կազմակերպիչ թիմը բարդ իրավիճակում է հայտնվել: «Ոչ ֆորմալ ավազակային խմբերը, որոնք մտադիր են պարեկել Թբիլիսիի փողոցները, մեզ հետ ֆիզիկական հաշվեհարդար տեսնելու նպատակով, սպառնալիք են ոչ միայն մեզ և ԼԳԲՏ հանրության, այլ նաև բոլոր նրանց համար, որոնց ագրեսիվ տրամադրված քաղաքացիները «այլ» կհամարեն: Մենք մտադիր ենք ստիպել իշխանություններին պաշտպանել մարդու իրավուքները և կատարել Սահմանադրությամբ ստանձնած պարտավորությունները»,-ասվում է կազմակերպիչների հայտարարության մեջ: Հունիսի 21-ին մեկնարկում է նաև Tbilisi Open Air փառատոնը, որի շրջանակում 4 հարթակում ավելի քան 60 երաժիշտ հանդես կգա տարբեր երկրներից։
Հիշեցնենք, որ հունիսի 20-ի երեկոյան Թբիլիսիում խորհրդարանի շենքի մոտ սկսված բողոքի ակցիայի առիթ է հանդիսացել ՌԴ Պետդումայի պատգամավոր Սերգեյ Գավրիլովի մասնակցությունը Ուղղափառության միջխորհրդարանական վեհաժողովի 26-րդ նստաշրջանին: Ակցիայի առաջնորդները հայտարարել են, որ մտադիր են բողոքի նոր ակցիա անցկացնել հունիսի 21-ի երեկոյան: