Գլխավոր հարցը, որն այժմ անհանգստացնում է մոլորակի բոլոր մարդկանց հետևյալն է․ այն ինչ տեղի ունեցավ 2020-ի առաջին կիսամյակում վերջացա՞վ, թե՞ դեռ շարունակություն է լինելու։ Կորոնավիրուսի վերաբերյալ խորը հետազոտությունների բացակայության պատճառով այս հարցերին պատասխանելը դեռ դժվար է, բայց բժշկական խմբագիր Քսենիա Սկրիպնիկը, Esquire- ի խնդրանքով, հավաքել է բոլոր փաստերն ու այն հետազոտության արդյունքները, որոնք այս պահին հայտնի են։ Նա խոսել է նաև վարակի հնարավոր երկրորդ ալիքի մասին։
Չնայած այն հանգամանքին, որ երկրների մեծ մասում դեպքը նվազում է, դեռևս վաղ է խոսել վիրուսի նկատմամբ վերջնական հաղթանակի մասին: Ամեն օր աշխարհում գրանցվում է Covid-19 վարակի հարյուր հազարավոր դեպքեր, մի քանի հազար մարդ մահանում է: Ընդհանուր առմամբ, ամբողջ աշխարհում ավելի քան 17 միլիոն մարդ վիրուսով վարակվել է, իսկ Covid-19 զոհերի թիվը գերազանցել է 660 հազարը:
Շատ երկրներում սահմանափակումները դեռ ուժի մեջ են և վիրուսը չի պարտվել: Մինչդեռ գիտնականները զգուշացնում են, որ այս աշնանը աշխարհի բնակչությունը բախվելու է կորոնավիրուսային վարակի երկրորդ ալիքին:
Երկրորդ ալիքի հստակ սահմանում չկա: Ընդհանուր առմամբ, երկրորդ ալիքը բնութագրվում է դեպքերի քանակի կրկնակի կայուն աճով ՝ արձանագրված անկումից անմիջապես հետո, բայց գիտնականներն այս հասկացությունը տարբեր կերպ են մեկնաբանում ՝ յուրաքանչյուրը յուրովի:
Եթե վարակվածների թիվը մեկ աճում է, մեկ նվազում, վարակի դեպքերի կայուն աճ չկա, ապա մենք չենք խոսում երկրորդ ալիքի մասին։ Այդ տատանումները տեղի են ունենում վարակի առաջին ալիքի շրջանակներում: Հենց այս իրավիճակն է այսօր Միացյալ Նահանգներում: «Ալերգիկ և վարակիչ հիվանդությունների ուսումնասիրության ԱՄՆ-ի ազգային ինստիտուտի» տնօրեն Էնթոնի Ֆաուչին «Վաշինգտոն փոստ»-ի հետ հարցազրույցում նշել է, որ «այս ամառ երկրորդ ալիքի մասին խոսելու անհրաժեշտություն չկա, քանի որ դեռ առաջինը չենք հաղթահարել»:
Դեռևս մարտ ամսին, երբ վիրուսը սկսեց արագորեն տարածվել Չինաստանի սահմաններից դուրս,ենթադրվում էր, որ ամռանը, տաք եղանակի սկսվելուն պես, վիրուսի ակտիվությունը կնվազի, իսկ աշնանը մոտենալուն պես, ամենայն հավանականությամբ, կսկսվի նորից աճել: Այնուամենայնիվ, նույնիսկ այդ ժամանակ վիրուսի սեզոնային բնույթի վարկածը կասկածի տակ հայտնվեց։ Գարնանը վիրուսը ակտիվորեն տարածվում էր Սինգապուրում, Հոնկոնգում և Ավստրալիայում, որտեղ ցրտի մասին ոչ ոք չգիտեր։
Որոշ չափով ջերմաստիճանը իսկապես կարող է ազդել վիրուսի գոյատևման վրա: Լաբորատոր ուսումնասիրությունների արդյունքները վկայում են, որ վիրուսը ավելի ճնշող էր ցածր ջերմաստիճաններում։ Մոտ 4 աստիճան ջերմաստիճանում, այն ապրում էր 14 օր, իսկ 37-ին ՝ մեկ օրվա ընթացքում կորցնում էր կենսունակությունը: Այնուամենայնիվ, ապացույցներ կան, որ ջերմաստիճանի փոփոխությունն ի վիճակի չէ լրջորեն ազդել վիրուսի տարածման վրա և այն ինքնին սեզոնային չէ:
Հնարավոր ազդակները, որոնք կարող են առաջացնել երկրորդ ալիքը, ամենայն հավանականությամբ, չեն լինի բնական գործոններ `ջերմաստիճանը և եղանակի փոփոխությունը: Վարակման դեպքերի թիվը կարող է նորից աճել ` կարանտինային միջոցառումների կտրուկ չեղյալ հայտարարման և պաշտպանիչ միջոցառումների անուշադրության պատճառով։ Դիմակներ կրելուց հրաժարվելը, ձեռքերը չախտահանելը, սոցիալական հեռավորություն չպահելը կարող են հանգեցնել վարակի երկրորդ ալիքին:
Ռուսաստանի «Բնակչության հիգիենիկ կրթության կենտրոն»-նն ընդգծում է, որ վիրուսի տարածումը կարող է դադարել միայն այն դեպքում, երբ SARS-CoV-2- ի հակամարմինները հայտնաբերվեն բնակչության առնվազն 70% -ի մոտ: Այժմ այդ ցուցանիշը չի գերազանցում 30% -ը։
Կորոնավիրուսային վարակի երկրորդ ալիքը կարող է կապված լինել նաև վիրուսային գենոմի մուտացիաների հետ: Այժմ հավատում են, որ հենց այդ մուտացիաներն էին հրահրել իսպանական գրիպի երկրորդ ալիքի առաջացումը և դրա պատճատով էր, որ վիրուսը դարձել էր ավելի վարակիչ։ Իսկապես, հիվանդության զոհերի թիվը այդ ժամանակ սկսեց արագորեն աճել: Նմանատիպ մուտացիաներ կարող են առաջանալ SARs-CoV-2 գենոմում։ Այս դեպքում վիրուսն ավելի արագ կտարածվի և շատ ավելի շատ մարդիկ կդառնան դրա զոհը: Նման բան այժմ տեղի է ունենում Վիետնամում։
Չնայած այն հանգամանքին, որ աշխարհում կորոնավիրուսային վարակի տարածումը սկսվել է 2020-ի սկզբին, գիտնականներն ընդամենը կարող են կանխատեսումներ անել համաճարակի հետագա ընթացքի վերաբերյալ:
Որոշ փորձագետներ ենթադրում են, որ երկրորդ ալիքը ավելի վտանգավոր կլինի: Մասնագետները անհանգստացած են այն փաստով, որ կորոնավիրուսային վարակի դեպքերի թիվը միանգամից կարող է աճել գրիպի և շնչառական այլ սեզոնային հիվանդությունների դեպքերի աճի հետ միաժամանակ:
Նյութը՝ esquire.ru, թարգմանություն՝ Կարեն Կոլոսով
Ամփոփվել է ՀՀ բարձր տեխնոլոգիական արդյունաբերության նախարարության կողմից իրականացվող «Ներուժ 5.0» սփյուռքի տեխնոլոգիական ստարտափների ծրագիրը.…
Չինաստանում անօդաչու սարքերի ցուցադրությանը միաժամանակ երկինք է բարձրացել 7598 անօդաչու թռչող սարք՝ սահմանելով նոր համաշխարհային…
Առողջապահության նախարարի տեղակալ Արտակ Ջումայանն աշխատանքային երկօրյա այցով Սյունիքի մարզում է։ Նա հանդիպումներ է ունեցել…
«Հըզբոլլահի» գլխավոր քարտուղար Հասան Նասրալլայի մարմինը դուրս է բերվել ավիահարվածի վայրից, տեղեկացնում է Reuters-ը։ Ըստ աղբյուրի՝…
The Insider-ին հասանելի են դարձել մի շարք պաշտոնական փաստաթղթեր՝ «Բևեռային գայլեր» ուղղիչ գաղութում ռուս ընդդիմադիր գործիչ Ալեքսեյ…
ԱՄՆ նախկին նախագահ, նախագահի թեկնածու Դոնալդ Թրամփը Սպիտակ տան ներկայիս ղեկավար Ջո Բայդենին անվանել է…