Covid 19-ի դեմ պայքարող բուժաշխատողի տեսանյութը ցնցել է համացանցը

Համացանցում նոր տեսանյութ է տարածվել, որը կայծակնային արագությամբ դարձավ վիրուսային։ Տեսանյութում  CoViD 19-ի դեմ առաջնագծում պայքարող մի բուժաշխատող է, ով որոշում է երկար ու ծանր հերթափոխից հետո նստել մի փոքր հանգստանալու։ Երբ նա ոտքերից հանում է երկար բախիլներն ու վերև բարձրացնում շալվարը՝ ջրի տեսքով քրտինքը գետի նման հոսում է։ Հոլովակը նկարահանել են Չինաստանի Ուրումչի քաղաքում, որտեղ բժիշկները պայքարում են վիրուսի տեղական նոր բռնկման դեմ։ Կա ավելի քան 500 վարակված, բուժհաստատություններն աշխատում են գերծանրաբեռնված ռեժիմով։ Նկարահանման ժամանակ օդի միջին ջերմաստիճանը կազմում էր 29 °C։

Տեսանյութի կողքով անտարբեր չեն անցել աշխարհի տարբեր ծայրերից օգտատերերը, ովքեր իրենց խորին շնորհակալությունն ու երախտագիտությունն են հայտնում բուժաշխատողին և իր կոլեգաներին կատարած մեծածավալ աշխատանքի համար։

«Խոսքերով հնարավոր չէ երախտապարտ լինել այս մարդկանց, ովքեր անձնազոհությամբ պայքարում են՝ ուրիշներին փրկելու համար»։

Նյութը՝ life.ru, թարգմանություն՝ Կարեն Կոլոսով