Այս սննդակարգին են հետևում Հյու Ջեքմանը, Քորթնի Քարդաշյանը, Հոլի Բերին և Քրիս Փրեթը։ Եկեք տեսնենք թե ինչ է իրենից ներկայացնում ֆիթնեսի աշխարհը գլխիվայր շրջած դիետայի այս մեթոդը։
Ի՞նչ է ընդմիջվող (ինտերվալային) սովը։
Ի տարբերություն սննդակարգերի շատ տեսակների, ընդմիջվող սովը ձեզ ընտրության հնարավորություն է տալիս: Դուք պիտի որոշեք, թե երբ չուտեք։ Այդ դիետայի համար կա 2 տարածված տարբերակ՝ 16։8, որի դեպքում դուք կարող եք ուտել ինչ ուզում եք 8 ժամվա ընթացքում, իսկ հաջորդող 16 ժամերի ընթացքում պետք է սոված մնաք։ Երկրորդ տարբերակը 5։2-ն է, որի ժամանակ շաբաթվա 5 օրերի ընթացքում սնվում եք ձեր սովորական ռեժիմով, իսկ մյուս երկու օրվա ընթացքում 500-600 ով կրճատում եք սպառված կալորիաների քանակը։
«Կարևոր չէ, թե ինչպես կհետևեք այս սննդակարգին: Իմաստն այն է, որ դուք կսկսեք ավելի քիչ էներգիա ծախսել: Հետևաբար ձեր օրգանիզմը կսկսի մատակարարվել սննդանյութերի սեփական պաշարից», – ասում է Նյու Յորքի համալսարանի սննդային հետազոտությունների ֆակուլտետի պրոֆեսոր Լիզա Սասսոնը։
Ի՞նչ առավելություն ունի։
Վերջերս գերմանական քաղցկեղի հետազոտական կենտրոնի կողմից կատարված ուսումնասիրության արդյունքում պարզվել է, որ ընդմիջվող սովը «օգնում է նիհարել և բարելավել ձեր առողջությունը», ինչպես նաև լյարդից հեռացնում է ճարպերը։ Հարավային Կալիֆորնիայի համալսարանի ուսումնասիրությունից պարզվել է, որ այս սննդակարգը նվազեցնում է քաղցկեղի, շաքարախտի, սրտի հիվանդությունների և տարիքին առնչվող այլ հիվանդությունների ռիսկը: Եվ չնայած գիտնականները պնդում են լրացուցիչ փորձարկման անհրաժեշտության մասին,սակայն արդեն իսկ իրականացված արդյունքները հուսադրող են:
Ի՞նչ թերություններ ունի։
«Իրականում այս դիետայի օգտակարության մասին որևէ հավաստի ապացույց չկա», – ասում է Սասսոնը։ Նույնիսկ եթե ուսումնասիրությունների ժամանակ պարզվել է, որ այդ մեթոդն ընտրած մարդկանց մոտ գրանցվել է դրական արդյունք, դրանք գործնականում ոչնչով չեն տարբերվում այն մարդկանց արդյունքներից, ովքեր հետևում են այլ դիետաների։ Այս տարբերակը ավելի լավը չէ, քան դիետայի մյուս մեթոդները (Սասսոնը նաև նշում է, որ այս սննդակարգը հակացուցված է հղի կանանց, շաքարային դիաբետով, քաղցկեղով հիվանդ ու մարսողական խնդիրներ ունեցոց մարդկանց):
Արժե՞ փորձել։
Ինչպես արդեն համոզվեցիք, այս մեթոդը հրաշքներ չի գործում։ Սակայն Լիզա Սասսոնը դեմ չէ ընդմիջվող սովին․ «Ես աշխատել եմ այն մարդկանց հետ, ովքեր ուզում էին գիտակցել, որ իրենք կարող են վերահսկել իրենց քաշը: Եվ այս դիետայի շնորհիվ նրանք իսկապես զգացին դա»:
Նյութը՝ GQ, թարգմանություն՝ Կարեն Կոլոսով
