Հրապարակվել է «Շազամ 2» ֆիլմի թիզերը

Ռեժիսոր Դեյվիդ Սանդբերգը հայտնի կատակասեր է։ Դա երևում է և իր ֆիլմերում, և իր թվիթերյան գրառումներում։ Օրերս նա հրապարակել է նոր տեսանյութ ՝ «Շազամ 2» ֆիլմի թրեյլերը։ Ֆիլմի նկարահանումները, սակայն դեռ չեն սկսվել։

«Մենք դեռ չենք նկարահանել Shazam 2-ը, բայց Letterboxd- ում արդեն երկրպագուների գրառումներ կան: Համոզված եմ, որ  կարող ենք օգտագործել ակնարկ-գրառումները ՝ ֆիլմի առաջխաղացման համար», – գրել է ռեժիսորը: Տեսանյութում Սանդբերգը ժապավենի առաջին մասից կադրեր է օգտագործել ավելացնելով հանդիսատեսի արտահայտությունները, թե ինչ են ակնկալում ֆիլմի շարունակությունից:

Չնայած գրառման մեջ Դեյվիդն օգտագործել է «Շազամ 2» անվանումը, հոլովակի մեջ այն ուներ «Շազամ !!» տեսքը՝ մեկ բացականչական նշանով ավել, քան առաջին մասն էր։ Հնարավոր է սա ֆիլմի վերնագրի սփոյլ էր,կամ գուցե ռեժիսորը նորից կատակում է։

Գլխավոր դերում նորից հանդես կգա Զաքարի Լիվայը, իսկ նկարահանումների մեկնարկը նախատեսվում է 2021 թվականի գարնանը։

Նյութը՝ GQ, թարգմանություն՝ Կարեն Կոլոսով