Նորքի 19/7 հասցեում կառուցվող բազմաբնակարան բնակելի շենքին հարակից շուրջ 300 քմ սեփական և համայնքային հողատարածքի ինքնակամ կցակառույցը քանդվել է, – տեղեկացնում է Երևանի քաղաքապատերանի պաշտոնական էջը:
«Քաղաքապետարանը «Վաղարշ և որդիներ» ՍՊԸ-ին տվել էր շենք կառուցելու թույլտվություն: Ինքնակամ կառույցը հայտնաբերվել է հունիս-հուլիս ամիսներին: Երևանի քաղաքապետարանի քաղաքաշինության և հողի վերահսկողության վարչության աշխատակիցների կողմից կազմվել է վարչական 2 արձանագրություն: Կառուցապատողի հետ բացատրական աշխատանքներ են տարվել՝ սեփական ուժերով կցակառույցը քանդելու և տարածքը կարգի բերելու համար, ինչն այժմ արվում է»,- նշում է քաղաքաշինության և հողի վերահսկողության վարչության պետի տեղակալ Ռուբեն Խոջայանը՝ հավելելով, որ եթե կառուցապատողը նախատեսում է քաղաքաշինական որևէ գործունեություն, ապա համապատասխան թույլտվություն ստանալուց հետո միայն կարող է գործունեություն ծավալել:
