Լրագրող, հեռուստահաղորդավար Վլադիմիր Պոզներն իր կայքում գրում է․

«Իմ օրը սկսվեց տեղեկատվությամբ, որ Ալեքսեյ Նավալնին Օմսկի հիվանդանոցում գտնվում է կոմայի մեջ: Ես անհանգստացա։

Հետո իմացա, որ Նավալնիին, ամենայն հավանականությամբ, թունավորել են: Եվ ես ինձ շատ վատ զգացի:

Եվ հետո ես մտածեցի. Իսկ եթե հանկարծ Նավալնին մահանա՞: Ինձ պատեց սարսափի զգացողությունը։

Ի՞նչ է սա։ Վրեժխնդրությու՞ն՝ իր կողմից բացահայտված բազմաթիվ կոռուպցիոներների կողմից։ Եթե ​​այդպես է, իշխանությունները պարտավոր են գտնել մեղավորին և հրապարակայնորեն դատել հեռուստատեսությամբ, որպեսզի բոլորը դառնան այս դատավարության վկան:

Դա պետք է արվի ոչ միայն, որ հանցագործը պատժվի, այլ  նաև այն պատճառով, որ հակառակ դեպքում արևմտյան (և ոչ միայն արևմտյան) լրատվամիջոցները կհայտարարեն, որ դա արվել է անձամբ Պուտինի հրամանով։

Այն մարդը, ով ցանկանում է վնասել Ռուսաստանին, դժվար թե կարողանա գտնել դա անելու ավելի արդյունավետ միջոց:

Ալեքսեյ Նավալնին և ես առանձնապես միմյանց կողմնակիցը չենք, ինչը բացարձակապես չի խանգարում ինձ բառացիորեն աղոթել (չնայած ես աթեիստ եմ), որ ամեն ինչ իր մոտ հաղթահարվի»։