«Իմ մտքով նման բան չի անցել, որովհետև, եթե ես մի բան պետք է անեմ՝ անում եմ պատվով, ի սրտե, ու չեմ մտածում, արդյո՞ք մեդալ կլինի դրա համար, պարգևի կարժանանամ». այս մասին հայտարարել է Հանրապետության նախագահի ստորագրած հրամանագրով Հայաստանի ազգային հերոսի բարձրագույն կոչման արժանացած կապիտան Ռուբեն Սանամյանը։ Նա պարգևատրվել է Հայրենիքի շքանշանով:
«Հակառակորդի ողնաշարը ջարդելու ցանկությունն իմ մեջ չի վերացել, չի էլ վերանա»,- ասել է ազգային հերոսը։
«Կապիտան Ռ. Սանամյանը, որպես սպա և հրամանատար, հայրենիքի պաշտպանության ու անվտանգության ապահովման գործում ցուցաբերել է բացառիկ արիություն, անձնուրացություն և խիզախություն»,- նշված է ՀՀ նախագահի լրատվական ծառայության հաղորդագրությունում։
