ՀՀ Կառավարությունը Սահմանադրական դատարանի դատավորի պաշտոնում դիտարկում է Էդգար Շաթիրյանի թեկնածությունը, սակայն Շաթիրյանը դեռ գործադիրի թեկնածուն չէ: Այս մասին Շաթիրյանի հետ ԱԺ «Իմ քայլը» խմբակցության հանդիպումից հետո հայտնեց խմբակցության ղեկավար Լիլիթ Մակունցը:
«Էդգար Շաթիրյանը հնարավոր թեկնածու որպես դիտարկվում է, բայց կառավարության թեկնածուն չէ»,- ասաց Մակունցը:
«Նախկինում մենք ունեցել էին առիթ պարոն Շաթիրյանին հարցեր ուղղելու: Հանդիպման ընթացքում հնչեցրել ենք հարցեր, որոնք առնչվում են արդեն նոր կառույցի հետ կապված հնարավոր կարգավիճակին: Խոսել ենք պարոն Շաթիրյանի հետ, տարբեր քննարկումներ ենք ունեցել, այդ թվում Կոռուպցիայի կանխարգելման հանձնաժողովի անդամի պաշտոնից իր հրաժարվելու հետ կապված հարցին ենք անդրադարձել». նշեց խմբակցության ղեկավարը:
