«Իմ քայլը» խմբակցության փակ նիստում քննարկվել են մի շարք օրակարգային հարցեր, այդ թվում՝ արտաքին քաղաքականությանը, կրթության բարեփոխումներին, երկրում համավարակային վիճակին առնչվող, Սահմանադրական փոփոխությունների վերաբերյալ տարաբնույթ հարցեր՝ այս մասին դռնփակ նիստին հաջորդած ճեպազրույցում հայտնեց Լիլիթ Մակունցը։
ԿԳՄՍ նախարար Արայիկ Հարությունյանի շուրջ ծավալվող զարգացումներին և հասարակական տարբեր խմբերի կողմից նախարարի հրաժարականի պահանջներին չեն անդրադարձել, բայց քննարկում եղել է այն մասին, թե ինչպես են պատգամավորները պակերացնում Հայաստանի Հանրապետությունում այս կամ այն ոլորտի հետագա զարգացումը։
Կառավարության կողմից ՍԴ դատավորի թեկնածուի առաջադրման մասով Մակունցը շեշտում է՝ հնարավոր թեկնածու Էդգար Շաթիրյանի վիրաբերյալ խմբակցությունը էթիկապես ճիշտ չի համարում որևէ դիրքորոշում ներկայացնելը, հատկապես երբ ընտրությունները տեղի են ունենում փակ, գաղտնի քվեարկությամբ, և պատգամավորներն են որոշում ինչպես քվեարկել։
Քրիստինե Հովսեփյան
