«Ժողովուրդն իրավունք ունի դիմելու ապստամբության, եթե այլևս այլընտրանք չի տեսնում». Արա Պապյան

Թիվ 1 Ստուդիայի հյուրն է «Մոդուս Վիվենդի» կենտրոնի ղեկավար, դիվանագետ Արա Պապյանը:

Խոսելով 2018-ի հայտնի իրադարձությունների մասին՝ Պապյանը նշում է, որ  հեղափոխական փոփոխություններ այդպես էլ չեղան, և ժողովրդի զգալի մասն այժմ հիասթափություն է ապրում, իսկ վարչապետ Փաշինյանը, կորցնելով հենարանը ժողովրդի մեջ, սկսում է հենվել արտաքին ուժերի վրա:

Քաղաքացիական ոլորտում պետք է որդեգրվի ոչ թե անմեղության, այլ մեղավորության կանխավարկածը,-պնդում է դիվանագետը: Խոսելով Ապրիլյան քննիչ հանձնաժողովի աշխատանքների մասին, Պապյանը նշում է, որ հանձնաժողովն անվստահելի է այն պահից, երբ մերժվեց արտախորհրդարանական ուժերի ներգրավումը:

Անդրադառնալով «Սասնա Ծռերի» դատավարությանը՝ Արա Պապյանը տեղեկացնում է՝ «Սասնա ծռերը» կբողոքարկի մինչև Մարդու իրավունքների եվրոպական դատարան, և որ իր կարծիքով դատավորը կաշկանդված է Ռուսաստանի միջամտությամբ:

-Ժողովուրդը իրավունք ունի դիմելու ապստամբության, եթե այլևս այլընտրանք չի տեսնում,- եզրափակում է դիվանագետը:

Մանրամասները՝ տեսանյութում: