Օգոստոսի 26-ին «Տանը մենակ» ֆիլմից հայտնի դերասան Մակոլեյ Կալկինի ծննդյան օրն է։ Անհավատալի է, բայց մեր մանկության հնարամիտ ու ճարպիկ տղան 40 տարեկան է։ Ձեզ ենք ներկայացնում սիրված դերասանի մեջբերումներից․
Փոքրուց ես երեխա լինելու հնարավորություն չեմ ունեցել։ Ես թոշակի անցա 14 տարեկանում։
Մարդիկ ինձ դեռ փողոցում ճանաչում են: Առաջին բանը, որ ես սովորաբար լսում եմ ՝ «Որտե՞ղ էիք այս տարիների ընթացքում»: Որպես կանոն, դրանից անմիջապես հետո նրանք ասում են. «Էհ, դու մեծացել ես»:
Հակառակ տարածված կարծիքի, ես երբեք չեմ բուժվել թմամիջոցներից կախվածության համար։ Ես բանտում չեմ եղել, ինձ ձերբակալել են միայն մեկ անգամ, և առհասարակ ամեն ինչ անում եմ, որպեսզի խուսափեմ նախկին աստղային երեխաների հետ կապված կարծրատիպերից:
Ես իմ մասին շատ տարբեր ստեր եմ լսել։ Մի օր իմ փաստաբանը զանգեց ինձ և ասաց. «Վայ, Մակ, դու դեռ ո՞ղջ ես»: Ես նրան պատասխանեցի. «Այո, իհարկե։ Նստած եմ բազմոցի վրա», – «Պարզապես քիչ առաջ CNN- ից էին զանգահարել և ասացին, որ դու մահացել ես թմրանյութերի չարաշահումից»:
Ես ապրում եմ հասարակ կյանքով: Կերակրում եմ ձկներիս, ման եմ գալիս շներիս հետ, կերակուրներ եմ պատրաստում և երբեմն հանդիպում եմ մարդկանց հետ, ովքեր ինձ համար թանկ են:
Երբ ես ինձ պահում եմ սովորական մարդու պես, մարդիկ մտածում են, որ գիժ եմ։
Շատ մարդկանց համար ես դեռ երեխա եմ։ Դա միաժամանակ և օրհնություն է և անեծք։
Ծնողներս շատ լավ բան են արել ինձ համար, թեկուզ միայն այն, որ նրանք երբեք ինձ չեն ասել, թե իրականում որքան գումար եմ վաստակում: Հետևաբար ես մեծացել եմ որպես սովորական երեխա ամենասովորական երեխաների շրջանում:
Ինձ միշտ թվում էր, թե ունեմ երկու հայր `իսկականը և այն մեկը, որին ինքս եմ նկարել իմ գլխում:
Երբեմն ինձ թվում է, որ իմ ներսում ոչ թե մեկ մարդ է, այլ տասնյակ մարդիկ: Բայց ես հաղթահարում եմ դա։
Ես ամենաչպահանջված դերասանն եմ, որ գիտեմ։
Ի՞նչ կասեի իմ երեխաներին: Շոու բիզնեսում մինչև տասնութ տարեկանը անելիք չկա: Այդ ընթացքում ավելի լավ է սովորել այլ բան: Անել ինչ որ բան։ Շտապել պետք չէ: Դա արեք այն պահից, երբ զգաք, որ արդեն չափահաս եք:
Ես վայելում էի այն ամբողջ փառքը, որի մասին կարելի է երազել, բայց ես փախչեցի նրանից և չեմ փոշմանում:
