Խորհրդարանի առաջիկա նստաշրջանին ընդառաջ ԲՀԿ առաջնորդ Գագիկ Ծառուկյանը հանդիպումների շարք է սկսում կուսակցության տարածքային կառույցների ներկայացուցիչների հետ:
Առաջին հանդիպումը Կոտայքի մարզում էր: Ի թիվ այլ խնդիրների՝ Ծառուկյանն անդրադարձել է կորոնավիրուսով պայմանավորված իրավիճակին, դպրոցներում դիմակ կրելու պահանջին.
«Շատ ցավալի հարց է, որը լիարժեք մարդիկ հայտարարություն են անում, նույնպես ոչ արդյունավետ, ոչ փորձ ունենալով: Ո՞նց կարող ա 15-20 երեխա, մեր բալիկները, թոռնիկները գնում են դասի, և պետք է ամբողջ ժամանակահատվածում դասամիջոց չլինի, մասկաները լինի, եթե ցանկանում են տուալետ գնալ, ուսուցիչը պետք է ուղեկցի, բա երեխաների հետ ո՞վ ա մնալու: Կամ մյուս որոշումը. եթե թույլատրում են խնջույքները 40 հոգով անել, տարբեր մարդիկ հավաքվում են, էդ ո՞նց կարելի ա 40 հոգով հավաքվել, միջոցառում անել, բայց 20 հատ բալիկ չի կարող իրենց դասն անել:
Սա մեկ անգամ ևս ապացուցում է իմ ասածները, մարդը պետք է փորձ ունենա, կատարած գործ ունենա, իր ոլորտը տիրապետի, արդյունավետ ցույց տա, որ մարդիկ էլ դա տեսնեն»:
