Երևանի քաղաքապետի մամլո խոսնակ Հակոբ Կարապետյանը ֆեյսբուքյան իր էջում հայտնում է, որ «Հրապարակ» լրատվականը «Երևանի թաղապետերն ու նրանց աշխատակիցները դիմակ չկրելու արտոնությո՞ւն ունեն» վերնագրով նյութ է հրապարակել՝ դիտավորությամբ աղավաղելով փաստերը:
Կարապետյանի արձագանքից հետո լրատվականը փոխել է տվյալ հոդվածի նկարը՝ տեղադրելով Էրեբունի վարչական շրջանի ղեկավար Արման Աբրահամյանի՝ Արտակարգ դրությունից առաջ արված (մարտի 7) լուսանկար այն դեպքում, երբ այդ ժամանակ դիմակների կրումը պարտադիր չէր:
Թվում է՝ օրվա իշխանությունների իրական թերությունները չնկատելու և նրանց «կյանքի գնով սևացնելու» մոլուցքը դարձել է «Հրապարակի» թիվ 1 հրամայականը:
