Գրող Նարինե Աբգարյանն իր ֆեյսբուքյան էջում գրել է․
«Սիրելի ռուսաստանաբնակ հայեր, գրում եմ խնդրանքով։ Սահմանի բնակիչների անվտանգությունը մեր ընդհանուր պատասխանատվությունն է: Ի վերջո, նրանք են, և ոչ թե մենք, ովքեր այժմ պաշտպանում են մեր պետության սահմանները: Հայտարարվել է դրամահավաք Տավուշում ռազմական տիպի բունկերներ կառուցելու համար, որտեղ գնդակոծությունների ժամանակ խաղաղ բնակիչները կարող են թաքնվել: Արդեն իսկ կառուցվել են ռմբակոծություններից պաշտպանող 2 ստորգետնյա ապաստարաններ, 8 նկուղային կացարաններ, 2 անվտանգ սենյակ և կանգնեցվել են պաշտպանիչ պատեր։ Անհրաժեշտ է հավաքել 3 796 416 ռուբլի։ Այդ միջոցների մի մասը կուղղվի 4 նոր բունկերների կառուցմանը, մնացածը ՝ ջրային ծրագրերին, ինչը հնարավորություն կտա խոշոր դոնորների ներգրավել և ջրամբարների վրա պոմպերի վերականգնման աշխատանքներ իրականացնել:
Ես չէ, որ պետք է պատմեմ մեր ջրային ռեսուրսների հսկայական ռազմավարական նշանակության մասին: Ամեն ջանք պետք է գործադրվի `պահպանելու յուրաքանչյուր կաթիլ ջուր:
Սահմանին վերջին իրադարձությունները ցույց են տվել, որ, ցավոք, մենք երկար ժամանակ խաղաղություն չենք տեսնի:
Մենք ունենք մեծ ու հզոր սփյուռք, և որքան շուտ հավաքենք այս գումարը, այնքան շուտ զինվորականները կսկսեն բունկերների կառուցումը:
Շնորհակալ եմ բոլոր նրանց, ովքեր կարձագանքեն»։
Նվիրատվություն կատարելու համար այցելեք հղումով։
