Այսօր՝ լրագրողների հետ զրույցում, Արդարադատության նախարար Ռուսստամ Բադասյանն ասաց, որ ՍԴ դատավորի պաշտոնում կառավարության թեկնածու էդգար Շաթիրյանն իր թե՛ մասնագիտական, թե՛ անձնային հատկանիշներով բավարարում է Սահմանադրական դատարանում գործունեության համար։
«Հասարակությունը իրավունք ունի ծանոթանալու թեկնածուի գործունեությանը, իսկ պատգամավորներն իրավունք ունեն այս կամ այն թեկնածուի գործունեության հետ կապված կասկածներ ունենալ և Ազգային ժողովի նիստի ժամանակ փարատել կամ չփարատել այդ կասկածները»,- ասաց Բադասյանը՝ պատասխանելով լրագրողի այն դիտարկմանը, որ Շաթիրյանի նկատմամբ մամուլում հաճախակի են քննադատությունները:
