Դերասան Միխայիլ Եֆրեմովը Մոսկվայի Պրեսնենսկի դատարանում կայացած նիստում կրկին հրաժարվել է իրեն մեղավոր ճանաչել մահացու պատահարի համար։
«Ես ինձ մեղավոր եմ ճանաչել, քանի որ նյարդայնացած էի ու գլուխս սարսափելի ցավում էր նախորդ օրվա խմիչքից», – ասում է դերասանը: – Հետո, երբ ամեն կողմից քեզ ասում են, որ դու մեղավոր ես, սկսում ես հավատալ: Պատահարի վայրից տեսանյութը , որտեղ ասում եմ, որ ես էի մեքենայի ղեկին մոնտաժված է, սա ասում է պրոֆեսիոնալ հնչյունային ռեժիսոր կինս: Շրթունքներով հնարավոր է կարդալ, որ ես հակառակն եմ ասում, ես պատահարի մեջ մեղավոր չեմ»:
Նա հայտարարել է, որ իր միակ մեղքը հարբեցողությունն է: «Բայց ես չեմ ստանձնելու ամբողջ մեղքը Հոկտեմբերյան սոցիալիստական հեղափոխության համար», – ավելացրել է դերասանը:
Ըստ Եֆրեմովի, պատահարի օրը, «երեկոյան հինգից երեքին», նա տաքսիով գնում էր գարեջուր խմելու։ Ինչ-որ պահի նա իբր բանկային քարտ վերցնելու համար նստել է իր մեքենան, որը կայանված է եղել կամ տան կամ փաբի մոտակայքում։
«Գուցե ես ինքս շարժվեցի, գուցե ինձ հրեցին մեքենայի մեջ: Բայց ավելի լավ է իմ վկայությունը հաշվի չառնել, քանի որ ես շատ հարբած էի: Եվ ես չեմ հասկանում, թե որտեղից են ինձ մոտ հայտնվել թմրանյութեր: Ինչպե՞ս է բժիշկն իմ արյան մեջ կոկաին հայտնաբերել», – ասել է Եֆրեմովը:
Նյութը՝ esquire.ru, թարգմանություն՝ Կարեն Կոլոսով
