Այսօր` սեպտեմբերի 3-ին Կառավարության դիմաց կրկին բողոքի ակցիա էին իրականացնում Ռուսաստանի Դաշնություն մեկնել ցանկացողները։ Նրանց հարցերին փորձեց պատասխանել Սփյուռքի հարցերով հանձնակատար Զարեհ Սինանյանը, ով նշեց․«Մենք սահման բացելու գործառույթ չենք իրականացնում կամ որոշում, թե Ռուսաստանն ում ներս թողնի»։
Նա նշեց, որ տվյալ խնդրով իրենք որևէ իրավասություն չունեն զբաղվելու․ կան համապատասխան մարմիններ, որոնց զբաղվում են. «Մենք բանակցություններ չենք վարում, զբաղվում ենք Հայաստան-Սփյուռք կապերով, այս քաղաքացիները չեն կարող վերադառնալ օբյեկտիվ պատճառներով` համավարակով պայմանավորված։ Պետք է դիմել Արտաքին գործերի նախարարություն կամ պարետատուն, մենք սահման բացելու գործառույթ չենք իրականացնում, կամ որոշելու` Ռուսաստանն ում է ներս թողնում, ում չէ՞»։
Զարեհ Սինանյանը նաև նշեց, որ հայկական կողմը միանշանակ ինչ-որ քայլեր անում է:
