ՀՀ կառավարությունը այսօր՝ սեպտեմբերի 3-ի նիստում, հավանություն է տվել «Հայաստանի և Ղազախստանի կառավարությունների միջև Հայաստան նավթամթերքի մատակարարման ոլորտում առևտրատնտեսական համագործակցության մասին համաձայնագիրը վավերացնելու մասին» ՀՀ օրենքի նախագծին:
Համաձայնագրով նախատեսվում է Ղազախստանից Հայաստան նավթամթերքների առաքումը ազատել մաքսատուրքի գանձումից:
Նախագծի հիմնավորման մեջ նշվում է, այս համաձայնագրի կնքման անհրաժեշտությունը պայմանավորված է եղել Հայաստանի և Ղազախստանի միջև նավթամթերքների առաքման ոլորտում համագործակցության կարգավորման վերաբերյալ կողմերի հետաքրքրվածությամբ:
