Երևանի ընդհանուր իրավասության դատարանի Ավան և Նոր Նորք նստավայրում՝ դատավոր Վահե Միսակյանի նախագահությամբ, այսօր ընթանում էրՍերժ Սարգսյանի ևմյուսների գործով դատական նիստը:
Դատական նիստին ներկայացել էին բոլոր ամբաստանյալները՝ բացառությամբ Սերժ Սարգսյանի: Վերջինիս բացակայության վերաբերյալ նրա պաշտպան Ամրամ Մակինյանը հայտնեց, որ երեկ երեկոյան Սարգսյանի առողջական վիճակը վատացել է, նա ստուգվել է բժշկի կողմից, արձանագրվել է սուր շնչառական վարակ, բարձր ջերմություն, ցուցված է համապատասխան բուժօգնության ստացում և տնային ռեժիմ: Պաշտպանը դատարանին ներկայացրեց բժշկի տեղեկանք:
Դատավոր Միսակյանը նշեց, որ տվյալ պարագայում Սարգսյանի բացակայությունը անհարգելի համարել չի կարող, իսկ դատական նիստը այս պայմաններում դարձյալ ենթակա է հետաձգման:
Դատական նիստը հետաձգվեց հոկտեմբերի 22։
