Հայաստանում կարգելվի ինքնակամ շինությունների օրինականացումը

«Ապօրինի շինությունների խնդիրները պարբերաբար մեծ հնչեղություն են ստանում եւ հաճախ  երկարաժամկետ դատական գործընթացների պատճառ դառնում: Քաղաքային համայնքներում, մասնավորապես՝ Երեւանում, առանձնակի բարդությամբ առկա է բազմաբնակարան շենքերի կցակառույցների հիմնահարցը: Դրանք հիմնականում կառուցվում են շենքերի վերին հարկերում: Լինում են դեպքեր, երբ շենքի վրա ինքնակամ կառուցվում է նույնիսկ լրացուցիչ երկու հարկ: Քաղաքաշինության նորմերի առումով նման շինարարություններն անթույլատրելի են, քանի որ ուղղակիորեն խախտում  են սեյսմիկ անվտանգության նորմերը:

Ապօրինի շինարարության նման դեպքի մեծ քանակի պատճառներն իրավական են: Խնդիրն այն է, որ գործող օրենսդրությամբ որոշակի հանգամանքներում ու պայմաններում թույլատրվում է օրինականացնել ինքնակամ շինությունը: Խնդիրը կարգավորելու համար արդարադատության նախարարությունը մշակել է օրենսդրական փաթեթ, որով ոչ միայն արգելվում է ապօրինի շինարարությունը, այլեւ էականորեն բարձրացվում են նման գործունեություն ծավալելու համար նախատեսված վարչական եւ քրեական պատժաչափերը»:

Նյութն ամբողջությամբ կարդացեք «Հայաստանի Հանրապետություն» օրաթերթի այսօրվա համարում: