Կադաստրի կոմիտեի ղեկավար Սուրեն Թովմասյանն այսօր հյուրընկալել է երկօրյա այցով Հայաստան գտնվող գործընկերներին՝ ԱՀ Կադաստրի և պետական գույքի կառավարման կոմիտեի պատասխանատուներին՝ կոմիտեի նախագահ Կարեն Շահրամանյանի գլխավորությամբ։ Պատվիրակության կազմում են կոմիտեի նախագահի տեղակալ Սուրեն Գալստյանը, խորհրդական Վիլեն Սաֆարյանը և աշխատակազմի ղեկավար Ալեքսանդր Շահրամանյանը։
Հանդիպման ընթացքում Կադաստրի կոմիտեի ղեկավար Սուրեն Թովմասյանը հյուրերին ներկայացրեց կոմիտեի կողմից ավելի վաղ սկսված և առաջիկայում իրագործելիք ծրագրերը, փոխգործակցության և աջակցության հնարավորությունները, ձեռքբերվեցին նախնական պայմանավորվածություններ։
Կոմիտեի ղեկավարն իր խոսքում կարևորեց ինչպես նոր, այնպես էլ ընթացքի մեջ գտնվող ծրագրերի համատեղ քննարկումները, հետագա հնարավոր համագործակցության և մասնագիտական աջակցության հեռանկարները:
Օրվա ընթացքում Արցախի հանրապետության մեր գործընկերները պարոն Թովմասյանի, կոմիտեի ղեկավարի տեղակալների և մյուս պատասխանատուների հետ կայցելեն կոմիտեի «Կենտրոն» գրասենյակի նոր մասնաշենք, կլինեն Միասնական մարզային ստորաբաժանումում, նորաստեղծ Գեոմատիկայի կենտրոնում։
