Մարտի 1-ի գործով տուժողների իրավահաջորդներն ու նրանց ներկայացուցիչները վաղվանից կդադարեցնեն դատական նիստերին իրենց մասնակցությունը։
Այս մասին այսօր հրավիրված ասուլիսին հայտարարեց նրանց ներկայացուցիչներից Տիգրան Եգորյանը․
«Այժմ, երբ Մարտի 1-ի հիմնական գործի նախաքննությունը, ըստ էության, դադարեցված է, իսկ դատաքննությունը վերածվել է թանկարժեք ժամավաճառության և ֆարսի, դատարանի բակում և նիստերի դահլիճում տիրում է կամայականություն, որն ուղղված է Սահմանադրությամբ հռչակված արժեքների դեմ, և արժանանում է բարձր հանդուրժողականության, իսկ նախագահող դատավորն իր իշխանությունը կարծես միայն տուժողների իրավահաջորդների նկատմամբ է կարողանում իրացնել, մենք դադարեցնում ենք ֆիզիկական մասնակցությունը այդ անբովանդակ միջոցառմանը»,- ասաց Եգորյանը։
