ԱԺ փոխնախագահ Ալեն Սիմոնյանը Քաղաքացիական օրենսգրքում փոփոխությունների առաջարկ է ներկայացրել՝ վիրավորանքի դեպքում պատիժը 1 միլիոն դրամից 5 միլիոն, զրպարտության դեպքում՝ 2 միլիոնից մինչև 10 միլիոն դարձնելու մասին:
Այս մասին Սիմոնյանը հայտնեց այսօր լրագրողների հետ ճեպազրույցում՝ հայտնելով, որ այն դեռևս նախնական առաջարկ է:
«Կառավարությունն իր հերթին առաջարկում է դարձնել, համապատասխանաբար, 2 միլիոն և 3 միլիոն դրամ, որը, որպես առաջարկ, կարծում եմ, պետք է քննարկենք լիագումար նիստին, որովհետև կարծում եմ, որ այդ քննարկումը, կարևոր լինելով, պետք է լայն մասնակցություն ապահովի»,- ասաց նա:
Նախագծով առաջարկված գումարի չափը կզսպի ստահոդ տեղեկություններ տարածելու, վիրավորելու գայթակղությունը, ինչպես նաև ինչ-որ չափով քաղաքացիներին կազատի համացանցում լցված աղբից, համոզված է Ալեն Սիմոնյանը:
