Երևանի ավագանին այսօր որոշում է կայացրել Երևան քաղաքի ավագանու 2019 թվականի դեկտեմբերի 25-ի N186-Ն որոշման մեջ փոփոխություններ կատարելու և գումար հատկացնելու մասին: Նախագիծը ներկայացրել է Երևանի քաղաքապետարանի աշխատակազմի ֆինանսական վարչության պետ Վիլեն Արևշատյանը:
Նախագծով սահմանվում է, որ, հիմք ընդունելով, ՀՀ Կառավարության 2020 թ. հուլիսի 2-ի N 1128-Ն որոշումը՝ փոփոխություններ կատարել Երևանի 2020թ. բյուջեում:
Ըստ այդմ, Երևանի 2020 թ. բյուջեի եկամտային մասի նպատակային հատկացումները կավելացվեն 60 միլիոն 14 հազար դրամով, որը Երևանի 2020 թվականի բյուջեի ծախսային մասում նախատեսվում է ուղղել ՀՀ պետական և հասարակական նշանավոր գործիչներին նվիրված հուշարձանների իրականացում ծրագրի շրջանակներում մարզահամերգային համալիրի տարածքում Կարեն Դեմիրճյանի արձանի կառուցման աշխատանքների իրականացման համար:
