Դատարանը դռնփակ է քննարկում Քոչարյանի գույքի արգելանքը վերացնելու միջնորդությունը

Երևանի ընդհանուր իրավասության դատարանը՝ նախագահությամբ Աննա Դանիբեկյանի, դռնփակ ռեժիմով  է քննարկում ՀՀ երկրորդ նախագահ Ռոբերտ Քոչարյանի գույքի վրա դրված արգելանքի վերացման միջնորդությունը։

Այս մասին տեղեկացնում են ՀՀ երկրորդ նախագահի պաշտպանական թիմից։

Օգոստոսի 4-ին դատարանը հետաձգել էր այս հարցի լուծումը մինչև էական հանգամանքների ի հայտ գալը և կալանադրված գույքի արժեքը որոշումը։ Դատարանը պահանջել էր Ռոբերտ Քոչարյանի արգելանքի տակ գտնվող գույքի և բանկային հաշիվների վերաբերյալ ամբողջական տեղեկություն տրամադրել։

Սեպտեմբերի 8-ին պաշտպան Արամ Վարդևանյանը հայտարարել է, որ պատրաստ է ներկայացնել անհրաժեշտ տեղեկությունը։