ՀՀ վարչապետ Նիկոլ Փաշինյանը տեսանյութ է հրապարակել «Կառուցենք Հայաստանը նորովի» շարքից: Տեսանյութում ՀՀ-ում կատարվող հիմնանորոգման աշխատանքներն են:
Տավուշի մարզում հիմնանորոգվում է Մ16-Բերքաբեր ճանապարհի 4 կմ երկարությամբ ճանապարհահատվածը: Ծրագրի արժեքը շուրջ 330 մլն դրամ է: Վերջին անգամ ճանապարհը նորոգվել էր Խորհրդային տարիներին:
Հիմնանորոգվում է Մակարավանքի հուշարջան տանող հանրապետական նշանակության 3 կմ ճանապարհը: Ծրագրի արժեքը շուրջ 234 մլն դրամ է: Ճանապարհը երբեք ասֆալտապատ չէր եղել:
Հիմնանորոգվում են Բերդավանի ներհամայնքային փողոցների 2,1 կմ երկարությամբ հատվածները: Ծրագրի արժեքը շուրջ 249 մլն դրամ է: Վերջին անգամ այս հատվածները հիմնանորոգվել էին շուրջ 35 տարի առաջ:
